Ting 23: Oppsummering

Snart er eg ved vegs ende av 23 ting-kurset -. Det har vore eit verkeleg artig og lærerikt kurs, og eg har kosa meg sjøl om det har vore ganske mye arbeid. Eg hadde overfladisk kunnskap om ein del av tinga før, men det blir ei heilt anna forståing når ein får oppgaver der ein skal bruke verktøyet. Å skrive om og vise fram ting i bloggen har også vore nyttig. Det eg har lært kjem eg til å bruke både i jobben og privat.
Min umiddelbare favoritt er Del.icio.us. Er godt i gang med å samle bokmerka frå diverse pc'ar. Elles så kjem eg nok til å utvikle ei personleg startside, men har ikkje bestemt meg for om det blir Netvibes eller iGoogle. Kjem også til å bruke GoogleDocs ev. Zoho Writer.
Vil også til å prøve ut fleire ting på www.tfb.no, som å lage ein eigen søkemotor (Reisebiblioteket)m.m. Tenkjer også på mashups det kunne vore aktuelt å få til. Men, mest tenkjer eg på korleis vi kan føre dette vidare på min arbeidsplass og halde på det flotte engasjementet som mange av kursdeltakarane har vist. Håper feks at folk har fått smaken på blogging, så vi kan få utvikla ein skikkeleg litteraturblogg.
Til slutt får eg berre seie at blir det muligheit deltek eg gjerne på fleire liknande kurs!

Ting 22: Bibliotek 2.0

Eg trur biblioteka kan ha mye å hente ved å ta i bruk fleire web 2.0-teknologiar enn dei gjer i dag - ikkje minst for å nå yngre brukargrupper og bli synleg på andre arenaer enn dei folk vanlegvis forbind biblioteket med. Når det gjeld strategi for Bibliotek 2.0, så meiner eg det må tenkjast samarbeid, regionalt og nasjonalt. Biblioteksvar er eit vellykka eksempel på nasjonalt samarbeid der både store og små bibliotek deltek. Eit anna eksempel på samarbeid om web 2.0 er Virtuell møtesplats på Minabibliotek.se. Minabibliotek.se er eit samarbeidsprosjekt mellom seks bibliotek, bl.a Umeå Stadsbibliotek.

Biblioteksystemleverandørane har ei viktig rolle oppi dette. Bibliofil (Biblioteksystemer), som eg kjenner best, har gjort ein del på feltet, bl.a. er det mulig å abbonere på RSS-straumar frå websøket. Her er feks Trondheim folkebibliotek sine faste søk, men det går også an abonnere på søk ein lagar sjøl. Det eg framleis er sakna i Bibliofil er muligheiter for brukarane til å kome med bidrag, som bokomtalar eller etikettar Sjøl synest eg det med etikettar er spennande. Eg trur vi kunne fått mange fleire innfallsvinklar, særleg til skjønnlitteraturen, ved å åpne opp for at brukarane kan legge på sine etikettar - sjølsagt godt skild frå dei autoriserte emneorda :-). Stockholm Stadsbibliotek, som har kome langt med Bibliotek 2.0, har bl.a. tatt i bruk etikettar.

Det at eg går for samarbeid betyr ikkje at eg ikkje ser at det enkelte bibliotek, også dei små, kan gjere mye lokalt. Alle kan legge ut bilde på Flickr, lage ein litteraturblogg, opprette ei sone på Origo osb. Dette finnst det alt mange eksempel på rundt omkring, så det er berre å la seg inspirere.

Vil avslutte med ein kommentar i forhold til Taigatesen om at referansebibliotekarane kjem til å bli overflødige. Eg trur det også i framtida vil vere behov for folk med brei kunnskap om det å gjenfinne og presentere informasjon. Men, da må vi vere på banen og vise at vi kan tilføre meirverdi, - sjøl om formene og verktøya er annleis.

Ting 21: Web 2.0 Awards

Igjen var det mye å fortape seg i! På SEOMOZ Web 2.0 Awards var det mye spennande, nyttig og artig. Av dei artige tinga har eg ei kjensle av at fleire på kurset har vore innom HairMixer. Fann også igjen nokre av dei 23 tinga, bl.a. Del.icio.us, som er ein av mine favorittar. Om det er dei rette tinga som har vunne synest eg er vanskeleg å vurdere, men det ser ut til å vere eit mangfaldig utvalg. Bra at det ikkje berre er Google-tenester som når opp.
Fann mye som eg kan tenkje meg å sjekke ut seinare, bl.a. vil eg sjå meir på det som ligg i Kategorien Widgets. Antar eg kan finne tips til ting eg kan prøve ut i nettsider. Yourminis er vinnaren i denne kategorien. Vil også sjekke ut kategorien Books. Ettersom eg er opptatt av fargar har eg også lyst til å sjå nærare på ColorBlender.

Mellomspel med Hauge

Er litt stolt av at eg har tatt i bruk ein 23-ting på ei nettside på www.tfb.no. Fann ein video med Olav H. Hauge på YouTube og brukte embedfunksjonen til å legge den ut. Eit skår i gleden er at den ikkje kan spelast av via Explorer på PC'ar i Trondheim kommune sitt nett, men det ser ut til å fungere overalt elles.

Lenke til nettside om Olav H. Hauge

Ting 20: E-læringskurs

Niho!(Hallo) Har registrert meg på ChinesePod og held på og lærer meg kinesisk...Det ser ut til å ligge mange funksjonar og muligheiter i dette e-læringskurset. Viss eg verkeleg skulle lære meg kinesisk hadde eg nok brukt ganske mye tid på å finne ut av alt. Men, sikkert ein bra og artig måte å lære språk på . Den store fordelen er jo at du kan bruke kurset uansett kor i verda du måtte bu.
23ting-kurset har i praksis vist meg nytten av å bruke 2.0-teknologiar i e-læring, feks har det vore fint å bruke bloggformen til å reflektere over og oppsummere det eg har lært. Bloggane er synlege så vi kan lære av kvarandre. Synest det utvidar læringa å sjå andre vinklingar på stoffet.

Ting 19 Second Life

Denne tingen har eg berre fått snusa på. Fekk problem med nedlastinga (for gammalt videokort) på den bærbare og fekk heller ikkje til nedlastinga på jobben. Men, har oppretta ein avatar, så kjem eg over ei maskin som taklar programmet, så skal eg prøve ut korleis det er å bevege seg i Second Life. Har elles sett både det og World of Warcraft demonstrert, så veit korleis det tek seg ut på skjermen, men veit altså ikkje korleis det er å bestemme handlingane sjøl. Uansett så blir nok ikkje dette mi greie med det første.

Ting 18: Webapplikasjonar

Sidan eg alt har tatt i bruk Google Dokumenter har eg ikkje oppretta konto på Zoho Writer. Har ikkje brukt funksjonen så mye enda, men ser at det kan vere nyttig når ein, som meg, bevegar seg mellom fleire PC'ar i løpet av arbeidsdagen. Skulle det bli ei veldig roleg skrankevakt går det an å ta opp eit dokument og jobbe med det der.

Første del av av denne posten skreiv eg i Google Dokumenter og publiserte på bloggen derifrå. Det går vel ikkje an i Word, vil eg tru. Sjølve tekstbehandlaren var på norsk og elles grei. Tilleggsfunksjonar som deling og presentasjon har eg ikkje prøvd ut i denne runden.

Ting 17: Origo

Origo var ukjent for meg. Ser absolutt nytten for den som er mye på nett. Dessutan artig med eit verktøy som er utvikla i Norge. Eg har meldt meg inn i to soner: Namdaling og Strikking. Tenkte på soner eg kunne ha oppretta, feks hadde det gått an å lage ei sone for Tindegruppa på jobben, eller for Hobbyttene.
La forresten merke til at Origo brukar mashup med Google Maps.

Ting 16: Mashups

Mashups er ikkje heilt ukjent stoff, har vorte presentert for forskjellige mashups før, bl.a. den som kombinerer Nordisk forfatteratlas med Google Earth. Dette skreiv Mildrid på Stopp 1/2 bloggen i mars:

"Nordisk forfatteratlas er koblet opp mot Google Earth i en mashup laget av Søren Johannessen. Du vil se hvor forfatterne er født. Last først ned Google Earth, og så start fra denne linken. Velg Play tour for å få opp alle forfattere på kartet. Forfatteromtalene er koblet til Nordisk forfatteratlas, mens boktitlene er koblet til bibliotek.dk."

Svært mange søketenester ser ut til å bruke kart frå Google Maps. Eit tilfeldig eksempel: Søk på prosjekt hos Block Watne via kart. Ein annan stor nettaktør som ser ut til å bli mye brukt i mashups er Amazon.com.

Etter å ha bladd i Mashup Award og andre oversikter, ser eg at dei kreative blant oss har uendeleg mange fleire muligheiter enn å bruke dei to eg nemnte over. For å lage ein god mashup er det visst også ein fordel å vere litt nerd i følge Mashup Award: "There are a few things to consider before attempting to build a mashup including but not limited to knowing what a mashup is and how much of a nerd you (or your friends) are".

På Mashup Award fann eg elles ein mashup eg sannsynlegvis kjem til å bruke: Bookmarks inSuggest.

Sjøl kunne eg tenkt meg at nokon laga ein elegant mashup som kombinerer bibliotekkatalogen og forfattarinformasjon på nettet. Store norske leksikon kjem i gratisversjon frå 2009, så kvifor ikkje bruke artiklane om forfattarar der?

Ting 15: Bildeleik

Her var det mye artig å fortape seg i! Må nok gå tilbake å utforske fleire av muligheitene seinare. Inntil vidare - eit eksempel på bruk av
Spell with flickr:

Ting 14: Personlege startsider

Laga ei slik side på Netvibes for eit par år sidan, men den har visst forlengst gått i gløymeboka. Er nok meir moden for å ta i bruk dette no, for ser absolutt nytten av å samle "alt" på ei side.
Sidan eg har vore borti Netvibes før har eg i denne omgangen sett på iGoogle. IGoogle er lett å bruke og gir masse muligheiter. Kunsten blir kanskje å begrense seg, slik at sida ikkje blir for stor og uoversiktleg. Eg har fått lagt til ein del nye element, bl.a. ordbok og kalender - men, fekk ikkje til å legge til arrangement i kalenderen. Har vald temaet "Beautiful mountains". Skal følgje med på om det stemmer at utsjånaden på sida da endrar seg i løpet av døgnet. Elles så synest eg at søkefunksjonen for gadgets var veldig nyttig.
Dette er nok ein av dei 23-tinga som eg kjem til å bruke vidare. Men, først vil eg sjå på Netvibes igjen for å finne ut kven av dei eg likar best.

Ting 13: Eigendefinerte søkemotorar

Har streva med å finne noko verkeleg bra å bruke Rollyo til. Tenkte først at oj, dette var lurt, men oppdaga ganske raskt begrensingane. Synest feks at det er eit stort minus at Rollyo forheld seg til domene ved søk. Eg fekk nemleg den lyse ide å sette opp ein søkemotor som søkte i databasene Trondheimsbilder.no og GalleriNor samtidig, altså eit slags enkelt bildesamsøk. Eg sette opp lenke direkte til det enkle søket i begge nettstadene. Det viste seg at når eg søkte så kom det opp treff frå heile nettstaden til nasjonalbiblioteket, og ikkje berre frå GalleriNor som eg ønska. Så å lage samsøk for databaser er nok meir avansert enn det både Rollyo og eg greier!

Den søkemotoren eg til slutt laga søker i Flickr og Youtube samtidig:

Select...Foto-videoSearch The Web

Delicious og Bibliofil

No har eg prøvd noko artig. Eg gjorde søket fotturer i basen til Trondheim folkebibliotek, og la deretter søket inn i del.icio.us som eit bokmerke. Eit bokmerke som andre kan finne dersom dei søkjer på stikkordet fjellturer, eller eitt av dei andre stikkorda eg la til i tagfeltet. Litt reklame for biblioteket med andre ord.

Bibliofil gir muligheit for kobling til andre 2.0-tenester også. For den som er interessert - sjå etter ikona under trefflista.

Ting 12: Sosiale bokmerke

Da er eg i gang med å registre bokmerka mine på del.icio.us - ei blant fleire 2.0-tenester eg i lengre tid har tenkt at eg ville prøve ut, men som eg aldri kom meg i gang med før 23 ting. Det er så flott at fylkesbiblioteket har sett i gang dette kurset!
Del.icio.us ser eg absolutt nytten av for eigen del. Greitt å ha bokmerka samla ein stad, uavhengig av PC. Minst like nyttig er muligheitene til å finne nettsider ein ikkje visste om. Taggane som brukarane har sett på bokmerka gir mange søkemuligheiter og ein kan også leite blant populære taggar eller på brukarar som ein ser har same interessefelt.

Biblioteket kan sikkert også bruke dette, men eg trur det må bli på meir avgrensa tema, slik at det ikkje blir for stort å vedlikehalde. Så går det vel også an å legge forskjellige biblioteksider blant eigne bokmerke, slik at fleire på den måten kan dumpe over dei. Tenkte feks å legge bloggen til musikkavdelinga ved tfb som eitt av mine bokmerke.

Elles nyttig at ein kan legge del.icio.us-symbol i verktøylina på nettlesaren. Det gjorde det enkelt å legge til nye bokmerke, bl.a.

Ting 11: Organisere bøker

Har snusa litt på Library Thing har før, men syntest den gongen at det var lite norske bøker og derfor ikkje så interessant for meg. Men, no er eg omsider i gang og har registrert nokre tilfeldige titlar frå boksamlinga. Og av dei igjen er det meininga at eit tilfeldig utvalg skal visast i Widget'n under:


Prøvde å få til Widget med bokomslag, men det var berre min eine engelske tittel som vistes, enda det var omslagsbilde av ein del av dei norske titlane også. Droppa det inntil vidare.

Har også sjekka ut ein del av dei andre funksjonane og meldt meg inn i to grupper.
Library Thing var lett å kome i gang med og ganske artig, så kanskje blir det tingen å registrere boksamlinga her. Men, først blir det jobbing med dei 12 tinga som står att!

Meir ting 10

Måtte berre prøve Widgets! Artig, men hadde nok ikkje fått det til utan Lene si greie oppskrift på "Sør-Trøndelagbloggen". Det går opp nokre små lys etter kvart, og eg ser igjen at mange av desse 2.0-greiene heng saman, feks kunne eg også lagt Recently Played eller andre Widgets på Facebook.

Ting 10: Musikk

Da her eg fått sett - og høyrt litt på ting 10. Har oppretta konto på Last.FM. Har høyrt på ulike "radiokanalar", bl.a. fann eg mye fin svensk folkemusikk. Trøbla litt etter nedlastinga av programvaren - fekk lyd berre når eg gjekk via spelaren, men ikkje når eg var logga inn på Last.FM og skulle velje kanal derifrå. Visste seg etterkvart at problemet gjaldt Firefox. I Explorer fungerer det. I tillegg til å kose meg med å lytte til mye fin musikk har eg laga mitt eige bibliotek over favorittar - det vart visst mange gitaristar...
Her er ein radiokanal: Mari Boine Persen Radio - med "similar artists".

Må nok sjå nærare på dette. Ser i alle fall at det er ein fin plass å gå for å få tips om artistar innanfor eigen musikksmak.

Ting 9: Video

På dansegolvet ...
På YouTube er det mye å velje i og ein kan få artige gjensyn med fortida. Når eg skulle plukke ut ein video for bloggen min måtte det jo bli noko med dans og musikk. Fekk valgets kvaler, skulle eg ta Leningrad Cowboys sin spesielle versjon av Säkkijärven polka eller skulle eg ta noko med tango? Valget fall på Libertango frå Tango Lessons, ein film som Snorkfrøken og eg såg for i alle fall 10 år sidan. Nyt musikken og dansen!



Når det gjeld korleis bibliotek kan bruke YouTube, så kan ein sjølsagt prøve å presentere biblioteket der. Har sett på noko av det som er gjort av norske bibliotek og synest det er greitt nok, men er det noko som kundane våre vil bruke tid på? Danske bibliotek.dk har lagt ut ein instruktiv videosnutt om Søk i bibliotek.dk på YouTube. Denne har hatt noko over 700 visningar, ikkje mye. Prøvde å finne igjen den på nettsidene til bibliotek.dk, men fann i staden denne instruksjonsvideoen som er meir integrert med nettsidene, og som etter mitt syn fungerer betre. YouTube er kanskje mest plassen for å reklamere for tenester - dersom ein får det til på ein spennande og artig måte. Ein annan bruksmåte er å integrere YouTube-videoar i bibliotek-bloggar slik som t.d. musikkavdelinga ved tfb har gjort med bloggen Musikkprat.

Samling 2

Her surrar det av aktivitet på PC'ane - intens konsentrasjon - ein del frustrerte utbrot frå sidelina (Snorkfrøken som held på med å få bilda på rett blogg) og entusiastiske kvin lenger bak i rommet. Full innsats med andre ord!
Eg har omsider fått til å legge ut Dagbladet - litteratur som direkte straum på bloggen. Frode hjelpte meg å laste ned nettlesaren Mozilla Firefox. Da blir det lettare å bruke RSS.
Elles ein del nyttige tips under den felles gjennomgangen. Skal sjekke ut noko av dette seinare. Vil bl.a. prøve å få RSS-feed frå Biblioteksentralen direkte i nettlesaren.

Ting 8: Podkasting

For å skaffe meg eit lite innblikk i kva som finnst av norske podkast begynte eg med å leite i podkastoversikter. Kikka bl.a. på Podcaster.no og OPMLmanager.com som er ein oversikt over danske, svenske og norske podkast.
Prøvde også å finne ut om Thomas Breivik (som vel var den første norske bibliotekaren som laga podkast) hadde laga noko i det siste, men fann ikkje noko nyare enn 2006.

Til slutt såg eg på NRK-oversikten over podkast. Der var det ein del interessant og eg enda opp med å abonnere på to solide NRK-program, Språkteigen og Boktilsynet. Dei ligg no i Radio-mappa mi på Bloglines.

Ting 7: Wiki

Kjenner sjølsagt fenomenet wiki gjennom Wikipedia, men har også prøvd å publisere på wikien til Biblioteksvar. (Ein wiki som no skal bli passordbelagt på grunn av uønska innlegg). Det var greitt å få prøve ut wikiteknikken litt meir. Her er Wikisida som eg laga.

Elles eit tips i forhold til ting 6, bilder. Alt innhald på Wikipedia, også bilda kan gjenbrukast fritt. Siterer frå norsk Wikipedia: Stiftelsen som utgir Wikipedia har bestemt at alt innhold skal være fritt. Det betyr at alle skal ha rett til å bruke artiklene våre og bildene våre (også kommersielt), videreformidle disse, og modifisere dem etter behov. Wikipedia kan altså vere ein plass å leite dersom ein treng å illustrere ei nettside og vil vere sikker på at det er lov å bruke bilda.

Ser pr dato ikkje for meg noko konkret vi kan bruke dette til i biblioteket. Kanskje eit prosjekt der det er nødvendig med dugnadsinnsats frå fleire bibliotek, eit Trøndelagsprosjekt. Nokon som tar ballen?

Ting 5: Bilder og tagger

Etter nokre dagars pause er det tid for å ta fatt på 23 ting igjen, i kveld blir det ting 5. Har kikka litt på Flickr før. Det er utruleg mange flotte bilde å finne der. Tagginga er ofte detaljert, så det er mulig å søke på svært så spesifisert og annleis enn i ein meir bibliotekaktig katalog. Eg søkte feks på "green" for å finne grønne bilde. Her er eitt av dei grønne bilda eg fann! Eg prøvde først å laste det opp direkte, men fekk ikkje til det, så lagra det på PC'en først.


Brukte bildebehandlingsprogrammet Picnik for å forandre størrelsen på det oransje bildet, som eg også fann på Flickr.

Så er det det med opphavsretten, da. Ser at ein del bilde har "All rights reserved", andre har "Some rights reserved" med forskjellige symbol som angir kva for type bruk fotografen gir lov til. Oversikt over symbola finnst på denne sida om Creative Commons.
Dei to bilda over var eg muligens litt kjapp med å legge ut, men har ikkje klart å finne dei igjen for å sjekke kva som stod om opphavsrett. Mulig eg skiftar dei ut etter kvart for å vere på den sikre sida.

Ser elles at mange av desse 23-tinga heng saman. Ein kan feks bruke RSS til å abonnere på fotostraumar (feeds) frå favorittfotografen.

Ting 4: Nettprat

Som vakt på chatten i Biblioteksvar er eg godt kjent med det å prate på nettet, men eg har ikkje brukt nettprat privat. Eg bestemte meg for å prøve Google Talk da det ikkje krevde nedlasting, og eg alt har ein Google-konto. Det gjekk litt "fort å gæli" ved registreringa, så eg oversåg at det var frivillig med fullt namn. Trudde da at heile namnet mitt ville visast i chatteprogrammet og det hadde eg ikkje lyst til. Leita etter ein måte å slette og begynne på nytt, men det var sanneleg vanskeleg å finne. Prøvde på Google-kontoen på valget Rediger, men det einaste valget ein fekk der var å slette heile Google-kontoen.Hadde muligens fått det til til slutt, men det no ser det ut som det er berre brukarnamnet Liv som visest, så da kan eg vel slappe av på det. Så no spørs det om nokon vil chatte med meg da? Veit at Frode har Google Talk, men kanskje er det andre også? Adressen de kan søke på er liv.vennevik krøllalfa trondheim.kommune.no. Trur eg da - det begynner å gå litt i "baill" på kva som er brukt her og der!

Ting 3: RSS og Atom

Eg har no fått ordna meg konto på Bloglines og har starta abonnement på nokre bloggar, bl.a. Plinius + nokre meir hobbybaserte som bloggen til Mrs. Darcy (min kollega vegg i vegg.) Valde Bloglines for å prøve noko anna enn Google.

Ser allereie no at dette er nyttig. Smart at ein kan få presentert nye innlegg samla, og sleppe å måtte innom masse nettsider for å halde seg oppdatert. Dette kjem eg til å bruke seinare også!

Ting 6

Feil rekkefølgje, men i helga har eg sett litt på ting 6. Har meldt meg inn i Facebook og prøvd ut litt funksjonar der. Det er greitt å sjå kva det er og korleis det fungerer, men det er ikkje sikkert at akkurat det blir det eg kjem til å bruke mest tid på når kurset er slutt. Men, det var mange kjente der, i alle fall frå bibliotekmiljøet, så det var jo litt artig.

Meir ting 2

No leikar vi med fargar og skrifttypar....bloggen skal bli fin å sjå på også.

Ting 1 og 2

Da er vi i gang med å lære 23 ting om web 2.0! Blogging er ting to og det er hektisk aktivitet med å opprette bloggar. Snorkfrøken ved sida av er alt ferdig med første innlegg. Dette blir spennande!